सार्वजनिक खरिद अनुगमन कार्यालयले २१ निर्माण कम्पनी तथा आपूर्तिकर्तालाई कालोसूचीमा राखेको छ । प्रकाशित सूची अनुसार रसुवा जिल्लाकै चार वटा निर्माण कम्पनी एकै पटक कालोसूचीमा परेका छन् ।
जसमा सडक डिभिजन कार्यालय नुवाकोटको सिफारिसमा रेव कुमार पौडेल सञ्चालक रहेको गौरीगाइ निर्माण सेवालाई एक बर्ष,राजु तितुङ सञ्चालक रहेको लेबोन निर्माण सेवालाई एक बर्ष र चाम्सिङ लोप्चन सञ्चालक रहेको राम्चे नेशनल कस्न्ट्रस्क्सनलाई एक बर्षका लागि कालोसूचीमा राखिएको छ । यस्तै सडक डिभिजन नुवाकोटले गोस बहादुर तमाङ सञ्चालक रहेको लाङटाङ मानेज्यार्सा जेभीलाई एक बर्षका लागि कालोसूचीमा राखिएको छ ।
बिज्ञापन
यस्का अलवा राष्ट्रिय वाणिज्य बैंकको सिफारिसमा सन्दिप कुमार अग्रवाल सञ्चालक रहेको राज ट्रेडिङ ,गुप्त बहादुर खड्का सञ्चालक रहेको योगेश मेसनरीलाई एक बर्ष कालोसूचीमा राखिएको छ ।
बिज्ञापन
सार्वजनिक निकायबाट लेखी आएबमोजिम सार्वजनिक खरिद ऐन, २०६३ को दफा ६३ को उपदफा ९१० बमोजिम सूचना प्रकाशित भएको मितिदेखि लागु हुने गरी कालोसूचीमा राखिएको सूचनामा उल्लेख छ।
कालोसूचीमा परेका निर्माण व्यवसायी तथा आपूर्तिकर्ताहरूले कालोसूचीमा परेको अवधिभर सार्वजनिक निकायका कुनै पनि खरिद प्रक्रियामा भाग लिन नपाइने तथा कारबाही हुने सूचनामा उल्लेख गरिएको छ ।
बिज्ञापन
